“Terrorğa qarşı köräş terrorçılarnıñ tamırın qorıtqançı däwam itäçäk”

 Törkiyä saqlanu ministrı Hulusi Akar terrorğa qarşı köräşneñ terrorçılarnıñ tamırın qorıtqançı ildä häm çik ar’yağında özleksez däwam itäçägen belderde.

Ul bu xaqta 30 nçı avgust –Ciñü bäyräme häm Törek Qorallı Köçläre köne uñayınnan yasağan belderüendä citkerde.

Hulusi Akar 1071 nçe yılnıñ 26 nçı avgustında Malazgirt mäydan suğışında ireşkän ciñü belän Anadolunı watanğa äwereldergän törek milläteneñ yänä 26 nçı avgustta başlanıp 30 nçı avgustta tögällängän bu ciñü belän Anadolunı töreklärneñ mäñgelek watanı bulıp qalaçağın böten dönyağa iğ’lan itüenä basım yasadı.

Akar Törkiyä armiyäseneñ watannı saqlaw ğayräteneñ qatğıy räweştä däwam itüen belderde.

Hulusi Akar “Fätullahçı terror oyışması”, “PKK/KCK/PYD-YPG” häm “DEAŞ“ terror oyışmalarına qarşı köräşneñ däwam itäçägen assızıqladı.