"Törkiyӓ yanawlarğa baş imӓyäçäk"

Törkiyӓ ilbaşı Rӓcӓp Tayyip Ӓrdoğan Törkiyӓneñ yanawlarğa baş imӓwçe xoquq dӓwlӓte buluın assızıqladı.

Qara diñgez turı qısalarında Rizӓ şӓharendӓ xalıqqa mörӓcӓğat’ itkӓn ilbaşı Törkiyӓgӓ qarşı yanaw telen qullanğan AQŞ rӓsmi zatlarına cawap birde.

2016 yılda xain tüntӓreleş kereşüen başqarğan FETÖ hӓm PKK terror oyışması belӓn êlemtӓse buluı raslanğan hӓm Törkiyӓdӓ yӓşeren êşlӓr alıp barğan Amerikan ruxani Êndrü Kreyg Brunsonnıñ irekkӓ cibӓrelüen sorawçı Amerikan rӓsmi zatlarına mörӓcӓğat’ itkӓn Ӓrdoğan: “AQŞ strategik partnyerı bulğan, 81 million keşe yӓşӓgӓn Törkiyӓgӓ artın bora ikӓn, Törkiyӓne ber ruxaniğa almaştıra ikӓn, ber dӓ açulanmasın. Bez bu yulda ışanıçlı adımnar yasıybız. Törkiyӓne yanawlar qurqıtmıy. Bez xoquq dӓwlӓte,” – dide.

Saqlanu sӓnӓgӓtendӓ cirle citeşterüneñ ӓhӓmiyӓtenӓ dӓ tuqtalğan Ӓrdoğan tübӓndӓgeçӓ dӓwam itte: “AQŞ bezgӓ keşesez hawa apparatı birmi ide. Xӓzer isӓ üzebez yasıybız. Qorallı keşesez hawa apparatların da citeşterӓbez. Barlıq ölkӓlӓrdӓ Törkiyӓ alğarış tӓêmin itӓ. Tağın da küp citeşterep, tağın da küp qazanaçaqbız. Borçılmağız. Belem, sӓlamӓtlek saqlaw, ğadӓlӓt, iminlek, ênergetika, tışqı sӓyӓsӓt, transportta tağın da yaxşı nӓrsӓlӓr bulaçaq.”50) Fӓlӓstinneñ êlekke dӓwlӓt başlığı hӓm Fӓlӓstin Azatlıq oyışması liderı Yasir Arafatnıñ señlese Xaticӓ Arafat 86 yӓşendӓ wafat buldı.