Ӓrdoğan Afrika turına çığa

Törkiyӓ ilbaşı Rӓcӓp Tayyip Ӓrdoğan Afrika turına çığa.

Ӓrdoğan 25-27 iyul’ könnӓrendӓ Kön’yaq Afrika Cömhüriyӓteneñ Yohannesburg şӓhӓrendӓ oyıştırılaçaq BRİKS dӓwlӓt hӓm xökümӓt başlıqları oçraşuında qatnaşaçaq.

Törkiyӓ BRİKS oçraşuı qısalarında 27 iyul’ könne uzaçaq utırışqa İslam Xezmӓttӓşlek oyışmasınıñ çirattağı rӓise bularaq çaqırıldı.

Törkiyӓ ilbaşınıñ Kön’yaq Afrika Cömhüriyӓtenӓ sӓfӓrendӓ ayıruça BRİKS ӓğzase hӓm qayber çaqırulı illӓrneñ liderları belӓn dӓ ike yaqlı söylӓşülӓr ütkӓrüe küzdӓ totıla.

BRİKSka üsep kilüçe bazarlar bularaq belenüçe Braziliya, Rusiyӓ Federaśiyase, Hindıstan, Qıtay Xalıq Cömhüriyӓte hӓm Kön’yaq Afrika Cömhüriyӓte ӓğza. Ul kiñӓşmӓ hӓm xezmӓttӓşlek mӓydanı bulıp tora.

Aña kerüçe 5 ilneñ barısı da Törkiyӓ kebek G-20 ӓğzase.

Ӓrdoğan Kön’yaq Afrika Cömhüriyӓtennӓn soñ 28 iyul’ könne Zambiyağa rӓsmi sӓfӓr yasayaçaq.