Tüntäreleş kereşüe il külämendä iskä alındı

2016 nçı yılnıñ 15 nçe iyülendä tormışqa aşqan xain tüntäreleş kereşüeneñ ikençe yılında 15 nçe iyül’ demokratiya häm milli bergälek könendä il külämendä iskä alu çaraları uzdı.

”Fätullahçı terror oyışması” äğ’zaları ike yıl êlek tüntäreleş kereşüe başqarğan ide.

Ul waqıtta ilbaşı Räcäp Tayyip Ärdoğannıñ çaqıruı belän millionnarça keşe uramnarğa çıqtı.

Älege waqıyğada 251 keşe şähit buldı.

Kiçä isä Törkiyä külämendä ul qarañğı tönne iskä alu çaraları ütkärelde.

Ärzurumda meñnärçä keşe qullarına Törkiyä bayraqları totıp mäydannarğa çıqtı.

Säxnädä xärbi xor çığış yasadı. Marşlar yañğıradı.

Trabzondağı cıyında sänğät’çe Uğur Işılaknıñ çığışın härkem yaratıp tıñladı.

Diyarbakır da qaharman şähitlären onıtmadı.

Antaliyada da demokratiya cıyını uzdı.

Sivasta yaqınça 55 meñ keşe tarixi vokzaldan şähär mäydanına qadär yörde.

Yozgatta xärbi xor çığışı belän başlanğan çarada meñnärçä watandaş qatnaştı.

Ardahanda yawğan yañğır da watandaşlarnıñ bu möhim waqıyğanı bilgeläp ütü öçen cıyıluına kirtä bulmadı.

Amasya,Kastamonu,Çorum häm Iğdırda xalıq Törkiyä bayraqları kütärep mäydannarğa çıqtı.

Şırnaklılar demokratiya cıyını öçen mäydanda cıyıldı.

Düzcä, Malatyada da iskä alu çaraları ütkärelde.

Kayseri, Gaziantep häm İskeşähärda Qor’än Kärim uqıp doğalar qıldılar.  

Kırıkkale, Kahramanmaraş häm Hataydağı demokratiya cıyınnarnda meñnärçä keşe qatnaştı.