Van pesiläre xaqında ingliz matbuğatı yaza
Angliyanıñ “The Times” gazetı "Van pesiläre villası"nda açılğan yözü basseynı xaqında külämle material bastırdı
Angliyanıñ “The Times” gazetı Yözençe yıl universitetı qarşında tözelgän "Van pesiläre villası"nda açılğan yözü basseynı xaqında külämle material bastırdı. Ul dön’ya xäbärläre säxifäsendä çıqtı häm Anadolu agentlığınıñ fotoräsemnäre belän tulılandırıldı. Anda pesilärneñ, başlıça, suğa ise kitmäwe, ämma Törkiyädä yäşäwçe bu törneñ yözergä yaratuı äytelgän. Villa 1992nçe yılda êşli başladı. Markäzdä 350 van pesiye yäşi. Xäbärdä äytelgänçä, pesilär yomşaq urınnarda yoqlıy, kuxnyaları häm uyın bülmäläre bar. “Törkiyädä ber törkem bäxetle pesilär xäzer maxsus basseynda räxätlänä ala,”-dip yazılğan mäqalädä. Monı alarğa ber êşmäkär büläk itä. Yazmada, şulay uq, van pesilärneñ üzençälekläre sanala.
Xäbärdä töreklärneñ xaywannarnı yaratuı, uram êtläre häm pesilärenä yärdäm itüe, cämäğat’çelekneñ alarğa qarşı naçar möğamäläne tänqıyt’läwe äytelä. Soñğı dähşätle waqıyğadan soñ ilbaşı Räcäp Tayyip Ärdoğannıñ räsmi Twitter säxifäsendä “Xaywannar mal tügel, candır” dip yazuın da xäterlätälär.
Bäyläneşle xäbärlär
Törkiyä säwdä ministrı Aljir häm Tunisqa säfär yasıy
Ul 23-24 nçe iyün’ könnärendä Aljirda, 25 endä Tunista bulaçaq
Hindstannıñ Änkara ilçese wafat
Yaman şeş awıruınnan däwalanğan ilçe Virander Paul üz ilendä mäñgelekkä küzlären yomdı