Yaña xökümätneñ qayçan bilgelänäyäçäge açıqlandı

İlbaşı idaräse süzçese İbrahim Kalın yaña xökümätneñ 8nçe iyül’dän soñ bilgelänäyäçägen belderde.

24nçe iyün’däge saylawlardan soñ küzlär qorılaçaq ministrlar kabinetına tekälde.  Yuğarı saylaw komitetınıñ tögäl näticälärne 5nçe iyün’dä iğ’lan itelüe kötelä. 8endä isä mäclestä xalıq ışanıçlıları öçen ant itü tantanası oyıştırılaçaq. İlbaşı Räcäp Tayyip Ärdoğannıñ da inauguraśiyäse artınnan kabinetnı bilgeläw başlanaçaq.

İbrahim Kalın başqa mäs’älä – Rusiyädän alınaçaq S-400 hawa saqlanu sistemaları xaqında da belderü yasadı. Anıñ äytüençä, bu kileşüdän taypılış bulmayaçaq.

İran belän yasalğan atom-töş kileşüennän çıqqan häm bu däwlätkä iqtisadi sankśiyälär kertü taraflı AQŞnıñ qararın isä Törkiyä yaqlamayaçaq. Änkara idaräse İran belän mönäsäbätlären bozarğa telämi.