Liderlar tawışların birde

Törkiyä Böyek Millät Mäclese başlığı İsmail Qahraman, Änkarada tawışın birgän çaqta: “Ärcä närsä dip äytsä şul bulaçaq”, - dip äytte.

İlbaşı Räcäp Tayyip Ärdoğan İstanbulda tawışın birgännän soñ jurnalistlarğa: “Saylawda qatnaşu yaxşı bara. Törkiyä külämendä dä alğan mäğ’lümatlärem şunı kürsätä”, - dip belderde.

Baş ministr Binali Yıldırım İzmir qalasında tawışın birgännän soñ: “Tawışıbıznı birdek, watandaşlıq wazıyfabıznı ütädek. Mämläkätebez häm millätebez öçen xäyerle bulsın. Yaña sistema belän Törkiyä yaña maqsatlarğa, yaña ofıqlarğa, totrıqlılıq häm ışanıç êçendä alğa taba baruın däwam itäçäk”, - dip äytte.

“Cömhüriyät xalıq” partiyası (CHP) Ğomum başlığı Kemal Qılıçdaroğlu tawışın birgän Änkarada, Törkiyä külämendä xäzergä çaqlı citdi problema yäşänmwen belderep: “Saylaw bülekçälärendäge iptäşlärebez wazıyfalarn başqarğan oçraqta demokratiya mäs’äläsendä borçıluıbız bulmayaçaq”, - dip basım yasadı.

CHP “Cömhüriyät xalıq” partiyasınıñ İlbaşı namzäte Muharräm İncä, tawışın tuğan yağı Yalovada birep: "Watan, millät öçen iñ yaxşısı närsä bulsa, şul bulsın”, - dip äytte.

“İYİ” partiyanıñ İlbaşı namzäte Meral Aqşänär, tawışın İstanbulda birep: "Xäyerle häm uñaylı bulsın”, - dip äytte.

Änkarada tawışın birgän “Böyek berlek” partiyası ğomum başlığı Mustafa Dästici: "Ärcädän bu kiçen çıqqan näticädä milli iradäneñ çağılaçağına ışanam”, - dip äytte.

“Millätçe xäräkät” partiyası ğomum başlığı Däwlät Bahçäli, tawışın Änkaradan birep: "Xozur häm imin şartlarda sawlıqlı saylaw belän Törkiyä yaña çorğa keräçäk”, - dip äytte.

Tawışın İstanbuldan birgän “Watan” partiyasınıñ İlbaşı namzäte Doğu Pärinçäk: “Törkiyä aldında 1-2 yıl êçendä bik zur çişeleşlär bar häm Törkiyä Atatörek yünäleşenä qabat keräçäk”, - dip jurnalistlarğa açıqlaw yasadı.