Törkiyä älegä Süriyädän çıqmayaçaq

Törkiyä tişqi êşlär ministrı Mäwlet Çavuşoğlu AQŞ belän kileşengän Mänbiç yul kartasınıñ ike ilneñ mönäsäbätläre öçen uñay kiläçägen belderde. Bu xaqta ul İtaliyanıñ “La Republika” gazetına birgän interv’yusında söyläde. “Mänbiçneñ iminlegen nığıtu öçen sızılğan yul AQŞnıñ terrorçı oyışma PKK/YPGgä yärdäm itüe säbäple yuğalğan ışanıçnı yañadan qaytaruğa êtärgeç bulaçaq,”-dide ul. Çavuşoğlu Törkiyäneñ xäzergä Süriyädän çıqmayaçağın belderde. Yuqsa terrorçılar çistartılğan rayonnarğa yañadan kilergä mömkin.

 Amerikanıñ Törkiyägä qoral satmasqa qararı xaqında da süz buldı. “Bez hawa saqlanu sisteması alırğa telibez. Ämma Amerika, şura belän problemaları çığıp, bezgä “Patriot” satmasa, Törkiyäneñ bolarnı başqalarınnan aluına kirtä bula almas,”-dide Mäwlet Çavuşoğlu.

Ministr Greśiyanıñ S-300 raketaları buluın häm NATO illäreneñ moña qarşı çıqmawın xäterlätte.  Törkiyäneñ Rusiyädän S-400 hawa saqlanu sisteması aluı turında: “S-400lärneñ yanaw bulmayacağı mäs’äläsendä garantiya aldıq,”-dide.