"Törkiyӓ tawış-tınsız qalmayaçaq"

Törkiyӓneñ tışqı êşlӓr ministrı Mӓwlüt Çavuşoğlu Fӓlӓstin hӓm Yerusalim mӓs’ӓlӓsendӓ hӓrkem bitaraf qalsa da, Törkiyӓneñ tawış-tınsız qalmayaçağın ӓytte.

Çavuşoğlu ğarӓp jurnalistlarınıñ İstanbuldağı oçraşuı programmasında qatnaşıp, çığış yasadı.

Çavuşoğlu AQŞnıñ İzraildӓge ilçelegen Yerusalimğa küçerü qararına tuqtaldı.

Çavuşoğlu: “AQŞ qabul itkӓn qarar yalğış. Bu yalğış qararğa urtaq totış kürsӓtergӓ kirӓk. Soñğı waqıtta İslam dönyasında, ayıruça da Ğarӓp Ligasında bu mӓs’ӓlӓdӓ beraz ikelӓnülӓr, xӓtta kiregӓ adım yasawlarnı kürӓbez. AQŞtan tartınuçı qayber illӓr Fӓlӓstin dӓğwasın yaqlamıy,” – dide..

Ğarӓp dönyasında Fӓlӓstin mӓs’ӓlӓsendӓge bitarafsızlıqnın yalğış buluın beldergӓn ministr tübӓndӓgeçӓ dӓwam itte: “Bu bik yalğış töşençӓ, zur xata. Tarix hӓm ömmӓt monı ğafu itmӓs. Bu illӓr Yordaniyağa da Fӓlӓstingӓ dӓ basım yasamasın. Fӓlӓstin dӓğwasın berkemdӓ yaqlamasa, Yerusalim dӓğwası mӓs’ӓlӓsendӓ hӓrkem bitaraf qalsa, Törkiyӓ qalmas, yaqlar.”