"Däwlätlär imzalağan qararlarında torırğa tiyeş"

Tışqı êşlär ministrı Mäwlet Çavuşoğlu AQŞnıñ İran belän atom-töş kileşüennän baş tartuına mönäcäbäten citkerde. Ul: “Däwlätlär imzalağan qararlarında torırğa tiyeş,”-dip belderde. Bu xaqta räsmi zat matbuğat cıyılışında söyläde. Ministr 2015nçe yılğı kileşüneñ barı tik İran belän AQŞ arasında ğına tözelmäwen, başqa däwlätlär tarafınnan da imzalanuın xäterlätte. “AQŞnıñ berüze genä mondıy adımğa baruı döres tügel. Başqa illär bu kileşügä tuğ’rı qalaçaqların belderde. Xäzer butalçıqlıq kilep çıqtı,”-di Mäwlet Çavuşoğlu. Ul Törkiyäneñ atom-töş qorallarğa qarşı buluın belderde. Ämma bu, ministr äytkänçä, ber däwlätkä genä qağılmıy, dön’yadağı barlıq atom-töş qorallarına qağıla.

 Mäwlet Çavuşoğlu kileşü tiräasendäge ığı-zığınıñ tiz arada çişelüenä ömetlänüen äytä.