Zäybäkci: “Tatarstanda törek investorları sanınıñ artuın telibez”
Törkiyä iq’tisad ministrı Nihat Zäybäkci, Tatarstanda törek investorları sanınıñ artuın teläwlären belderep: "Tatarstanda töreklärgä bäyle oyışqan sänäğät töbägeneñ tözelüe fikeren axırına xätle yaqlıybız”, - dip äytte
Zäybäkci Ministrlıqta Rusiyä Federaśiyäsenä bäyle Tatarstan Däwlät başlığı Röstäm Miñnexanov häm yanındağı wäkillek belän atnakiçen oçraştı.
Törkiyäneñ Rusiyädäge investiśiyäläreneñ öçtä berseneñ Tatarstanda buluına işaräläwçe Zäybäkci Miñnexanov belän İstanbulda êş forumın uzdıraçaqların añlattı.
Zäybäkci, ike il arasındağı xezmättäşlekne köçäytüne, säwdä külämen häm investiśiyälärne arttırunı maqsat itülärenä basım yasap, bu qısada çığışlardan soñ waq häm urta zurlıqtağı êşxanälärne üsterü häm yaqlaw idaräse KOSGEB belän Tatarstan waq häm urta zurlıqtağı êşxanälärne yaqlaw fondı arasında xezmättäşlek protokolına qul quyılaçağın belderde.
Tatarstanda törek investorları sanınıñ artuın teläwlären assızıqlawçı Zäybäkci: "Tatarstanda töreklärneñ oyışqan sänäğät töbägeneñ tözelüe fikeren axırına xätle xuplıybız,” – dip äytep, töreklärneñ Tatarstanda kapital saluınnan bik şat buluların belderde.
Tatarstan İlbaşı Röstäm Miñnexanov ta ministr Zäybäkcineñ yaqlawı häm yärdämnäre belän möhim proyektlarnı uñışlı räweştä başqaruların äytte.
Miñnexanov iq’tisadi êlemtälär belän ber rättän asqorma häm waq häm urta zurlıqtağı êşxanalär ölkäsendä dä xezmättäşlekne üsterergä tırışuların añlattı.
Tatarstanda törek êşmäkärläre häm investorları iyäläşkän şartlarnıñ tudırılaçağına iğ’tibarnı yünältüçe Miñnexanov: "Proyektta zur yul uzdıq, qanunğa üzgäreşlärneñ kertelüe häm aktlarğa qul quyıluı ölkäsendä soñğı êtapqa kilep cittek. İnşallah, monnan soñ törek investorları kapital saluın üz illärendäge kebek başqaraçaq”, - dip äytte.
Çığışlardan soñ Törkiyä häm Tatarstan waq häm urta zurlıqtağı êşxanälär fondları arasında xezmättäşlek protokolına imza salındı.
Fotosürät tatarstan.ru säxifäsennän alındı
