Süriyädä Törkiyäneñ çatır şähärläre

Törkiyä Dimäşq’nıñ Könçığış Guta töbägennän küçenergä mäcbür itelgän rejim oppoziśiyäse häm ğailäläre öçen çatır şähärlär tözüne däwam itä. Afrinnıñ kön’yaq – könbatışında Cindäräs bistäsendä Möxämmädiyä möhacir çatırı tözeleşe tamamlandı. Ul 816 ğailälek. Anıñ êçendä mäktäp, mäçet häm aşxanä belän park bar. Çatırlarnıñ êçendä här ğailäneñ ixtıyacları qaralğan.

Soñğı atnalarda Süriyä rejim köçläre häm Rusiyäneñ xärbi oçqıçları höcüme näticäsendä Könçığış Gutada yözlärçä keşeneñ ğomere özelde. Monnan tış, 10 meñnärçä keşe Afrinğa küçende.

Könçığış Gutadan qaçuçılar öçen Süriyäneñ tön’yağında tözelgän çatırlarnıñ berse Zuğrada – 970 keşe yäşi. Törkiyä Qızılayı belän Benefseç oyışması bergä qorğan Şibrin çatır lagerenda 1600 möhacir tora. Xälebneñ tön’yağındağı Azäzdä Dimäşq’tan kilgän 2 meñ keşene sıyındırğan Al Bul lagerı xezmät kürsätä.