Ärdoğannıñ AQŞqa möräcäğate

Törkiyä ilbaşı Räcäp Tayyip Ärdoğan Amerika köçlären terrorçılar belän bergäläp Süriyäneñ Münbiç töbägennän kitürgä çaqırdı. AQŞ monnan êlek bu mäs’älädä xezmättäşlek itärgä täq’dim yasağan ide. Ärdoğan üz çığışında bolay dide: “İdarädä härdaim üzgäreşlär bulğaç, yaña komandanıñ nindi yuldan kitäçägen belmibez. AQŞ ni öçen Munbiçtä? DEAŞnı quar öçen. Xäzer anda DEAŞ yuq. YPG çıqtı mı? 3 ay êçendä çığarabız didelär. Çıqmadılar. Alarnı Färat yılğasınıñ könçığışına sörmädelär. Bezne aldarğa uylamasınnar. Ul cirlärneñ xucası ğaräplär. Röxsät biregez, alar kilsen. Bez ul cirne basıp alu öçen barmadıq, süriyäle qardäşlärebezgä ışanıçlı kiläçäk tözergä yärdäm itü öçen bardıq. AQŞ häm terrorçılar Münbiçtän çıqsa, monı tağın da caylıraq tormışqa aşırırbız”.  

Ärdoğan çığışında Törkiyä Qorallı köçläreneñ Afrindağı “Zäytün botağı” xäräkäte xaqında da söyläde. Ul töbäkneñ dürttän öçeneñ kontrol’gä alınuın belderde.