Törkiyӓ matӓm tota

Törek qorallı köçlӓre tarafınnan Süriyӓneñ Afrin töbӓgendӓ alıp barıluçı “Zӓytün botağı” xӓrӓkӓtendӓ 8 ğaskӓri şӓhit buldı.

Ğomüm ştab rӓislegennӓn yasalğan açıqlawda operaśiya qısalarında Afrinda oyıştırılğan xӓrӓkӓtlӓrdӓ 8 ğaskӓrineñ şӓhit buluı, 13 ğaskӓrineñ yaralanuı belderelde.

Açıqlawda: “Bezne qayğığa salğan bu höcümdӓ yaqtı dönyadan kitüçelӓrgӓ Allahtan yarlıqaw telibez, şӓhitlӓrebezneñ ğailӓlӓre, Törek qorallı köçlӓre belӓn törek millӓteneñ qayğısın urtaqlaşabız. Yaralanuçılarğa şifalar telibez,” – dip ӓytelde.

Rӓsmi sӓfӓr belӓn Senegalğa kitkӓn Törkiyӓ ilbaşı Ӓrdoğan Afrin cirlegendӓ iminlek köçlӓre belӓn terrorçılar arasında barlıqqa kilgӓn bӓreleş belӓn bӓyle bularaq Ğomüm ştab başlığı, Armiya generalı Hulusi Akar hӓm êçke êşlӓr ministrı Sölӓyman Soyluğa şaltıratıp, mӓğlümat aldı.

İlbaşı tirӓn borçu toyuın citkerep, şӓhit ğailӓlӓreneñ qayğısı belӓn urtaqlaştı.