Çavuşoğludan Ğaräp Berlegenä reakśiya

Törkiyäneñ tışqı êşlär ministrı Mäwlüt Çavuşoğlu Törkiyäneñ “Zäytün botağı” operaśiyasen tänqitlägän Ğaräp Berlege ğomüm särqätibe Äxmät Äbu Gaytka reakśiya belderde.

Çavuşoğlu Törkiyäneñ Süriyädä xalıqara xoquq nigezendä êş başqarıp, legal’ saqlanu xoquqın qullanuın häm terror oyışmaları belän köräşüen äytte.

54nçe Xalıqara München iminlek konferenśiyasendä Yaqın Könçığış mäs’äläläre qaralğan utırışta Ğaräp Ligası ğomüm särqätibeneñ “Zäytün botağı” xäräkläten tänqitläde.

Mäwlüt Çavuşoğlu Ğaräp Ligasınıñ säyäsät häm açıqlawlarındağı totnaqsızlıqlarğa iğtibar cälep itep, reakśiya belderde.

Çavuşoğlu Ğaräp Ligasınıñ Äsäd rejimı säyäsätlärenä bitaraf qaluın da tänqitläp: “Sez sistemağız turında söylisez. Sistemağız ber äğza ilegez liderınıñ yartı million keşene üterüenä, ximik qoral qullanuına da qomaçawlayaçaq qadär köçle bulsa ide,” – dide.

Törek ministrı Ğaräp Ligasınıñ Süriyädä xärbi operaśiyalär oyıştıruçı Amerika Quşma Ştatları belän qalğan könbatış illärenä bitaraf qaluına da iğtibarnı cälep itte.

Çavuşoğlu Ğaräp Ligasındağı qayber illärneñ Yerusalim mäs’äläsendä Fälästin häm Yordaniyağa basım yasawın da qırıs räweştä tänqitläde häm: “Qızğanıç, sezneñ sistemağız mondıy,” – diyep, süzen tögälläde.