“Xäräkät töbäk tulısınça terrorçılardan arınğanğa qadär däwam itäçäk”

 Törkiyä prem’yer-ministrı Binali Yıldırım “Zäytün botağı” xäräkäteneñ töbäk tulısınça terrorçılardan arınğanğa qadär däwam itäçägen belderde.  

 Yıldırım Muğlada partiyäseneñ 6 nçı çirattağı kongressında yasağan çığışında xäräkät belän bäyle qayber illärdän yasalğan belderülärne tänqit’läp bolay dide:”Tınıç xalıqqa zıyan birü turında söyläwçelär Äfganstanğa ,Ğıyraqqa,Yämangä küz salsın. Törek ğaskärläre tınıç xalıq zarar kilmäsen öçen zur tırışlıq kürsätä.Bu mäs’älädä bik iğ’tibarlı”,-dide.

Prem’yer-ministr Törek Qorallı Köçläreneñ Afrinğa suğışqa kitmäwen belderep :”Bez Afrinğa anda yıllar buyı ğaräplärgä, kördlärgä, törekmännärğä basım yasap alarnı cäberläp qıyırsıtqan terror oyışmasınnan qotqaru öçen kittek”,-dide.