Ärdoğan Vatikanğa kitte

Törkiyä ilbaşı Räcäp Tayyip Ärdoğan Vatikanğa säfäre aldınnan Atatürk aêroportında jurnalistlar belän söyläşte. Ul bu vizitnıñ keşelek qıymmätlärenä diqqat’ cälep itü öçen ähämiyätle forsat buluına basım yasadı.  

İlbaşı beldergänçä, Papa Franśisk belän oçraşuda rasaçılıq turında söyläşü bulaçaq. “Äñgämädä Fälästin, Kudüs, Süriyä, Ğıyraq, terrorğa qarşılıq, qaçaqlarnıñ problemaları, gumanitar yärdäm temaları kütäreläçäk. Şulay uq, Könbatış dön’yasında İslamğa qarşı doşmanlıq artuı häm mädäni rasizm belän köräş teması da çittä qalmayaçaq,”-dide Ärdoğan.

Belderüdä ilbaşı Törkiyä – İtaliya mönäsäbätläreneñ dä telgä alınacağın äytte: “Säwdä küläme uzğan yıl 20 milliard dollarğa yaqınlaştı, ämma ike ölkäneñ mömkinlekläre monnan berniçä tağqır kübräk. 2020nçe yılğa 30 milliard dollarğa çığarğa isäp totabız. Säfär waqıtında bu maqsatqa taba atılaçaq ikeyaqlı adımnar xaqında da söyläşäbez”.