"Zäytün botağı” xäräkäte xaqında 6 teldä video
"Törkiyä häm Süriyädäge wäzğıyätne açıp sala torğan êşçänlek alıp barırğa qarar birdem."
Törkiyä Qorallı köçläre uzdırğan "Zäytün botağı” xäräkäte xaqında xalıqara cämäğat’çelekkä döres mäğlümat birü öçen 6 teldä video xäzerlängän.
Çanqırı Qaratekin Universitetı rektorı professor Xäsän Ayrancı operaśiyäneñ säbäpläre häm näticäläre xaqında ingliz telendä añlatqan video törek, ğaräp, franśuz, nemeś häm rus tellärendä subtitr belän birelä.
Video massaküläm mäğlümät çaralarında çıqtı.
Ayrancı açıqlawında Törkiyäneñ "Zäytün botağı” xäräkäten başlarğa mäcbür qaluı turında söyli.
Törkiyä Qorallı köçläre häm Bäysez Süriyä armiyäseneñ maqsatları açıq häm xaqlı, di Ayrancı. Ämma êçke häm tışqı cämäğat’çelektä xäräkätne pıçratu êşe alıp barıla.
“Bu säbäptän çınbarlıqnı açıqlarğa, Törkiyä häm Süriyädäge wäzğıyätne açıp sala torğan êşçänlek alıp barırğa qarar birdem,”-di ul.
