Ärdoğan-Makron söyläşüe

İlbaşı idaräse çığanaqlarınnan alınğan mäğlümatkä kürä, Ärdoğan häm Makron Süriyä mäs’äläse belän bäyle soñğı täräqqiyätlär häm Törkiyäneñ Afrinda terror êlementlarına qarşı başlatqan “Zäytün botağı” xäräkäte xaqında fikerläre belän almaştı.

İlbaşı Ärdoğan Törkiyäneñ şuşı operaśiyasın xalıqara xoquq nigezendä häm Berläşkän Millätlär Oyışması şartnamäseneñ 51nçe maddäsenä bäyle legal’ saqlanu xoquqı belän terrorçılıqqa qarşı köräş mäs’äläsendäge BMO İminlek şurası qararları qısalarında başqaruına basım yasadı.

Makronğa “Zäytün botağı” xäräkäte turında mäğlümat birüçe İlbaşı Ärdoğan operaśiyädä tınıç xalıqnıñ zarar kürmäwe öçen böten çaralarnıñ kürelüenä iğtibarnı yünältte.

İke lider Süriyä mäs’äläseneñ çişeleşenä qağılışlı tırışular belän bäyle bularaq aldıbızdağı barışta yaqın êlemtädä bulu mäs’äläsendä kileşte.