"Täwäkkäl häm qatği bez"

Törkiyä ilbaşı Ärdoğan Törkiyäneñ çiklärendäge 4-5 namussızğa sulış aldırmayaçaqların äytte.

Ärdoğan Törek qorallı köçläreneñ Süriyäneñ Afrin töbägendäge Zäytün botağı operaśiyasendä şähit bulğan Musa Özalkan öçen başqala Änkarada oyıştırılğan cänaza cıyınında qatnaştı.

Ärdoğan monda yasağan çığışında törek ğaskäriläreneñ qarda qışta terrorçılarğa qarşı zur köräş alıp baruın belderep: “Bu operaśiyane millätebez häm Bäysez Süriyä Armiyase belän qazanaçaqbız. Täwäkkäl häm qatği bez. Bolar närsä digän mikän, tegelär närsä äytä mikän, bu il niçek qarıy mikän, bolarnı uylarğa waqıtıbız yuq. Bu mäs’älädäge qarar bu millätneke. Bu millät üz yazmışın üze bilgeli häm bezne çik buylarında tınıçsız itüçe 4-5 namussızğa sulış aldırmayaçaqbız,” – dide.

Ärdoğan şähitneñ Telaferdä ber mäktäpkä isemen quyu wasiyäteneñ cirenä citkereläçägen äytte.