İlbaşı Tunista

Törkiyä ilbaşı Räcäp Tayyip Ärdoğan Afrika turınıñ soñğı tuqtalışı bulğan Tunista.

Ärdoğannı hawa mäydanında Tunis tışqı êşlär ministrı häm başqa räsmi zatlar qarşı aldı.

Törkiyä ilbaşı Räcäp Tayyip Ärdoğan Tunis ilbaşı  Äl-Baci Kaid äs-Sibsi belän küreşep söyläşäçäk, üzara häm wäkilleklär arası söyläşülärdän soñ 2 lider  kileşülärgä qul quyu tantanasında qatnaşaçaq häm urtaq matbuğat oçraşuı ütkäräçäk.

Tunis ilbaşı Ärdoğanğa däwlät ordenı tapşıraçaq,anıñ xörmätenä räsmi aş mäclese oyıştıraçaq.

Ärdoğan Tunis prem’yer-ministrı belän dä küreşäçäk, şulay uq başqa räsmi zatlarnı da qabul itäçäk.

İlbaşı Ärdoğan Törkiyä – Tunis iq’tisad  häm investiśiya forumında qatnaşaçaq.

Törkiya ilbaşınıñ säfärendä xäläl cefete Äminä Ärdoğan, ğomum ştab başlığı armiya generalı Hulusi Akar, tışqı êşlär ministrı Mävlüt Çavuşoğlu, iq’tisad ministrı Nihat Zäybäkci, ênergetika häm tabiği çığanaqlar ministrı Bärat Albayrak, azıq –tölek,igençelek häm terlekçelek ministrı Äxmät Äşräf Fakıbaba, mädäniyat häm turizm ministrı Numan Kıurtulmuş, finans ministrı Naci Ağbal, mäğarif ministrı İsmät Yılmaz, saqlanu ministrı Nurettin Canikli, transport ,diñgezçelek häm êlemtä ministrı Äxmät Arslan da qatnaşa.