Fälästinle balalarğa Törkiyä yärdäme

Törkiyӓneñ Sӓlamӓtlek saqlaw ministrı Ӓxmӓt Dӓmircan protez ixtıyacı bulğan fӓlӓstinle öç balanıñ dӓwalanuları öçen êşkӓ kereşülӓren belderep: “Balalarıbıznı Törkiyӓgӓ kiterep, alarnı dӓwalayaçaqbız,” – dide.

Tuğanda uq bildӓn tübӓn öleşlӓre bulmağan 9 yӓşlek Sӓcud, 7 yӓşlek Mӓxmüt hӓm 9 aylıq Ӓnӓsneñ sӓlamӓtlege öçen êşkӓ kereşüӓren citkergӓn ministr monıñ öçen Törkiyӓ bularaq kirӓkle êşçӓnleklӓrneñ başqarıluın ӓytte.

Ministr 3 bertuğannıñ Ğazzӓneñ könyaq töbӓgendӓge Rӓfah şӓhӓrendӓ yӓşӓwen añlatıp: “Xӓzerge waqıtta anda Tışqı mönӓsӓbӓtlӓr ğomüm mödirebez Fӓlӓstindӓ tözeleşe tӓmamlanğan xastaxanӓbezneñ êşlӓtelüe belӓn bӓyle söylӓşülӓr ütkӓrӓ. Şul arada balalarıbıznıñ yanına da bardı. Alarnıñ Törkiyӓgӓ kiterelep, protezlarınıñ Törkiyӓdӓ yasaluın tӓêmin itӓçӓkbez,” – dide.