Yerusalim Fӓlӓstin başqalası bulıp iğlan itelde

İstanbulda oyıştırılğan İslam xezmӓttӓşlek oyışmasınıň çirattantış oçraşuınıň nӓticӓ beldergesendӓ Könçığış Yerusalim Fӓlӓstin başqalası bulıp iğlan itelde.

Nӓtşcӓ beldergesendӓ xalıqara cӓmӓğat’çelekne Könçığış Yerusalimne Fӓlӓstinneň yawlaw astındağı başqalası bularaq tanu çaqıruı da yasaldı.

Törkiyӓ ilbaşı Ӓrdoğannıň oçraşudağı çığışında yasağan “”Bar dönyanı Yerusalimne Fӓlӓstinneň yawlaw astındağı başqalası bularaq tanırğa çaqıru” tӓqdime nӓticӓ beldergesenӓ dӓ çağıldı.

İslam illӓre beldergedӓ Könçığış Yerusalim belӓn bӓyle qararlarnı raslap, xalıqara cӓmӓğat’çelekneň çaqıruğa uňay cawap birüen soradı.

Amerika Quşma Ştatlarınıň Yerusalimne İzrail başqalası bularaq tanuı qararı ğayeplӓngӓn beldergedӓ: “AQŞ citӓkçelege tınıçlıq urnaştıru barışındağı rolennӓn çigelergӓ tiyeş. AQŞ Yerusalim qararınnan kiregӓ adım yasamasa, barlıq nӓticӓlӓrennӓn cawaplı bulaçaq,” – çaqıruı da yasaldı.