Ärdoğannıñ telefon söyläşüläre

Törkiyӓ ilbaşı Ӓrdoğan Yerusalimdağı soñğı tӓraqqıyӓtlӓr belӓn bӓyle bularaq Qazaqstan dӓwlӓt başlığı Nursoltan Nazarbayev, Azӓrbaycan dӓwlӓt başlığı İlham Aliyev hӓm Livan dӓwlӓt başlığı Mişel’ Avn belӓn telefonnan söylӓşte.

Söylӓşülӓrdӓ Amerika Quşma Ştatları citӓkçelegeneñ Yerusalimne İzrail başqalası bularaq tanu kereşüeneñ Yaqın Könçığıştağı tınıçlıq urnaştıru barışına tiskӓre tӓêsir itӓçӓgenӓ iğtibarnı cӓlep itkӓn Ӓrdoğan möselmananr öçen dӓ izge bulğan bu şӓhӓr statusınıñ saqlanıluı zarurlığın assızıqladı.

İlbaşı söylӓşülӓrdӓ tınıçlıq hӓm totrıqlılıq urnaştıru yulınıñ 1967 yılğı çiklӓre belӓn başqalası Könçığış Yerusalim bulğan bӓysez hӓm möstӓqil’ Fӓlӓstin dӓwlӓteneñ qorıluı aşa uzuın belderde.

Söylӓşülӓrdӓ Törkiyӓneñ İslam xezmӓttӓşlek oyışması çirattağı rӓise bularaq 13 dekabr’ çӓrşӓmbe könne İstanbulda oyıştıraçaq Çirattan tış İslam oçraşuınıñ urtaq totışnıñ kürsӓtelüe cӓhatennӓn dӓ möhim buluına işarӓt itelde.