Yordaniya patşası Törkiyädä

Törkiyä ilbaşı Räcäp Tayyip Ärdoğan räsmi säfär belän Änkarağa kilgän Yordaniya patşası Abdulah 2 nçene tantanalı räweştä qarşı aldı.

Räsmi qarşı alu tantanasınnan soñ Ärdoğan häm Abdullah ilbaşı idaräse sarayında üzara küreşep söyläşte.

Oçraşuda Süriyä, Ğiraq häm töbäktäge täräqqiyät’lär söyläşelde.

Yordaniya patşasınıñ säfäre Törkiyä belän Yordaniya arasında diplomatik mönäsäbätlär urnaştırunıñ 70 yıllığı qısasında tormışqa aşa.

İke lider üzara küreşep söyläşkännän soñ urtaq matbuğat oçraşuı ütkärde.

Ärdoğan Yerusalimnıñ statusı belän bäyle yasalaçaq yalğış adımnıñ böten İslam dönyasında açu-yarsu kiterep çığaraçağın belderde.

Törkiyä ilbaşı AQŞnı Yerusalim mäs’äläsendä kisätte.

Ärdoğan İslam xezmättäşlek oyışmasınıñ 13 nçe dekabr’dä mäs’älä belän bäyle İstanbulda cıyılaçağın da citkerde.