Törkiyä-Rusiyä xezmättäşlege üsä

Törkiyä premyer-ministr urınbasarı Mäxmät Şimşäk Törkiyä-Rusiyä arasında säwdä häm ike yaqlı investiśiyalär öçen şartlarnıñ uñdırışlı, forsatlarnıñ küp buluın äytte.

Rusiyä başqalası Mäskäwdä rus investorları belän oçraşuın Rusiyäneñ xäbär agentlığı “Sputnik”ka bäyälägän Mäxmät Şimşäk rus êşmäkärläre belän ütkärgän söyläşüneñ bik uñışlı uzuın assızıqladı.

Cıyılışlarda Törkiyä-Rusiyä mönäsäbätlären, investiśiya forsatların bäyäläw mömkinlegen tabuların açıqlağan Şimşäk ayıruça üzeneñ qayber şirkät wäkile belän ayırım cıyılış ütkärü forsatın tabuın äytte.

Şimşäk: “Rusiyä belän regional’ tınıçlıq, totrıqlılıq häm mullıq öçen xäzerge waqıtta bergä tırışlıq quyabız. Qısqa waqıtta töbäktä xozur, totrıqlılıq häm tınıçlıq urnaştırılğaç töbäkneñ qabat tözekländerelüe kön tärtibenä kiläçäk,” – dide.

Şimşäk Törkiyä häm Rusiyädä dä ike yaqlı banklarnıñ buluınıñ ike ilneñ xezmättäşlegenä, ike yaqlı investiśiya häm säwdäneñ tağın da kiñäyüenä öleş kertäçägen äytte.

Şimşäk Rusiyädän Törkiyägä yılda 4 millionnan artıq turistnıñ kilüen häm bu sannıñ könnän-kön artuın belderde.