İsmail Qahraman - qabat Törkiyä Böyek Millät Mäclese başlığı

”Ğadälät häm qalqınu” partiyäseneñ İstanbul xalıq ışanıçlısı İsmail Qahraman qabat Törkiyä Böyek Millät Mäclese başlığı bulıp saylandı.

Berençe häm ikençe turda namzätlärneñ berse dä parlament başlığı bulıp saylanu öçen kiräkle äğ’za sanınıñ öçtän ikesenä ireşä almaw säbäple öçençe tur ütkärelde.

509 xalıq ışanıçlısı tawış birgän öçençe turda “Ğadälät häm qalqınu” partiyäseneñ İstanbul xalıq ışanıçlısı İsmail Qahraman 289, “Cömhüriyät xalıq” partiyäseneñ İzmir xalıq ışanıçlısı Zäkäriya Tämizel 124, “Xalıqlarnıñ demokratik” partiyäse Hakkari xalıq ışanıçlısı Sälma Irmak 37,”Millätçe xäräkät” partiyäse İstanbul xalıq ışanıçlısı Cälal Adan 36, “İyi”(“Yaxşı”) partiya Kayseri xalıq ışanıçlısı Yusuf Halaçoğlu 7 tawış aldı.

Şulay itep İsmail Qahraman öçençe tur tawışqa quyuda böten äğ’za sanınıñ küpçelege bulğan 276 dan kübräk tawış cıyıp yänä Törkiyä Böyek Millät Mäclese başlığı bulıp saylandı.