“Mondıy berlektäş bula almas”
NATO xärbi künegülärennnän törek ğaskäriläre çigelde
Törkiyä ilbaşı Ärdoğan pänceşämbe könne Norvegiyadağı NATO xärbi künegülärendä barlıqqa kilgän skandaldan soñ anda wazifa başqaruçı törek ğaskäriläreneñ çigelüen açıqladı.
Kiñäytelgän vilayät’ idaräse başlıqları cıyılışında çığış yasağan Ärdoğan: “Kiçä Norvegiyada doşman räseme digän äyber quyğannar. Bu räsemdä Atatörek häm ber yaqta min urın alam. Maqsatta bu räsemnär bar. bu xäbär kilgäç Ğomüm ştab başlığıbız häm Awrupa Berlegennän cawaplı ministrıbız bezgä şaltırattı. Wazğiyät’ne añlattılar. Bu xärbi künegülärneñ NATO künegüläre buluın äyttelär. 40 ğaskäriyebez bar, alarnı çigü qararın qabul ittek, çigäbez didelär,” – dip belderde.
Üzeneñ dä şunduq ğaskäri çigü boyırığın birüen añlatqan ilbaşı: “Mondıy ittifaq, mondıy berlektäş bula almas,” – dide.
Bäyläneşle xäbärlär
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan