Antaliyada 3 yaqlı cıyılış kötelä

Törkiyäneñ tışqı êşlär ministrı Mäwlüt Çavuşoğlu 22nçe noyabr’ könne Rusiyäneñ Soçi şähärendä oyıştırılaçaq Rusiyä-Törkiyä-İran liderlar oçraşuınnan alda bu atna azağında Antaliyada Rusiyä tışqı êşlär ministrı Sergey Lavrov häm İran tışqı êlär ministrı Cawat Zarif belän bergä öç yaqlı tışqı êşlär ministrları cıyılışı ütkäräçäklären açıqladı.

Çavuşoğlu: “Monnan soñ nindi adımnar yasala alınaçaq, Süriyädä tınıçlıq häm totrıqlılıqnı niçek qabat urnaştıra alabız, Astana belän Jeneva barışların niçek itep bötenläşterä alabız, barlıq bu mäs’älälärne bäyäläw forsatıbız bulaçaq,” – dide.

Törkiyä, Rusiyä häm İran qatnaşında 22nçe noyabr’ çärşämbe könne Rusiyäneñ Soçi şähärendä “Süriyä” temalı cıyılış uzaçaq.

Rusiyä däwlät başlığı Vladimir Putin öy xucalığında ütäçäk cıyılış belän Törkiyä ilbaşı Ärdoğan 10 kön êçendä ikençe tapqır Rusiyägä säfär yasayaçaq.

Cıyılışta İran ilbaşı Xäsän Ruxaninıñ da qatnaşuı kötelä.