“Atatörek - böten dönyada yuğarı bäyä alğan qaharman ğaskäri,xörmätkä layıq lider”

 Törkiyä ilbaşı Räcäp Tayyip Ärdoğan Ğazi Mostafa Kämalnı tarixta êz qaldırğan komandir häm lider itkän iñ töp üzençälekneñ xalqına qarata çiksez ışanıç buluın belderde.

Ärdoğan Atatörekneñ ülemeneñ 79 yıllığı uñayınnan yullama yasadı.

Törkiyä ilbaşı 10 nçı noyabr’ – Atatörekneñ ülem köne uñayınnan yasağan yullamasında tübändägelärne citkerde:”Cömhüriyätebezgä nigez saluçı Ğazi Mostafa Kämalnı ülemeneñ 79 yıllığında xörmät xisläre belän iskä alam. Atatörek böten dönyada yuğarı bäyä alğan qaharman ğaskäri,xörmätkä layıq lider. Ğaziz xalqıbız Ğazi Mostafa Kämal citäkçelegendä 1919 nçı yılda başlanıp 1923 nçe yılda Cömhüriyät tözü belän tögällangän böyek köräştä bezne Watansız qaldırırğa teläwçelärne qanı belän ,canı belän ,yöräge belän tuqtattı.Azatlıq köräşendä Watanı häm bayrağın ,awır şartlarğa qaramastan kiläçäge häm iradäsen saqlap qalğan ğaziz xalqıbız bügenge köndä dä ilebezgä qarata barlıq höcümnärne tar-mar itäçäk täwäkkällek häm köçkä iyä”.

Ärdoğan şulay uq Cömhüriyätne tağın da üsterü häm 2023 nçe yıl maqsatlarına ireşü öçen ber millät, ber bayraq, ber Watan, ber däwlät prinśibı belän êşçänleklären däwam itterülären dä asszıqladı.