Törkiyä saqlanu ministrı Bryussel’gä bara
Saqlanu ministrı Canikli NATO cıyılışında qatnaşaçaq
Törkiyä Milli saqlanu ministrı Nurettin Canikli NATO saqlanu ministrları cıyılışında qatnaşu öçen kitäçäk Bryussel’dä NATO Ğomum särkätibe Yans Stoltenberg häm qayber illärneñ ministrları belän ike yaqlı söyläşülär ütkäräçäk.
Milli saqlanu ministrlığınnan yasalğan belderügä kürä, ministr Canikli 8nçe-9nçı noyabr’däge NATO saqlanu ministrları cıyılışında qatnaşu öçen Bel’giya başqalası Bryussel’gä baraçaq.
Canikli cıyılış qısalarında NATO Ğomum särkätibe Stoltenberg, Amerika Quşma Ştatları, Britan patşalığı, Germaniya, Franśiya, İspaniya, Rumıniya, Albaniya saqlanu ministrları, NATO Awrupa berlektäş köçlär yuğarı komandirı (SACEUR) belän ike yaqlı söyläşülär uzdıraçaq.
Ministr Canikli ayıruça Franśiya häm İtaliya saqlanu ministrları belän öç yaqlı cıyılışta qatnaşaçaq.
