Terror höcümendä yaralanuçılar Änkarada
Mogadişoda atna azağındağı terror höcümendä yaralanğan 35 Somali watandaşı däwalanu öçen Törkiyä başqalasına kiterelde
828351
Somali başqalası Mogadişoda atna azağındağı terror höcümendä yaralanğan 35 Somali watandaşı däwalanu öçen Törkiyä başqalası Änkarağa kiterelde.
Törkiyä sälamätlek saqlaw ministrlığı beldergänçä, terror höcümennän soň ilbaşı Räcäp Tayyip Ärdoğannıň boyırığı belän ilgä aşığıç räweştä mediŝina yärdäme kürsätü qararına kilende.
15 nçe oktyabr’dä 10 tonna daru häm mediŝina kiräk-yarağı,belgeç tabiblar Mogadişoğa cibärelde.
Törkiyä sälamätlek saqlaw ministrı Äxmät Dämircan häm ministrlıq kiňäşçese Äyüp Gümüş tä Somaliğa kitte.
Somaliğa kitkän personal Mogadişoda urnaşqan Räcäp Tayyip Ärdoğan isemendäge xastaxanädä yaralılarnı däwalayaçaq.
Mogadişodağı terror höcümendä 300 dän kübräk keşeneň ğomere özelgän ide.