30nçı avgust Ciñü bäyräme qotlana

Änkaradağı qotlawlarnıñ berençe urını Anıtkäber buldı.

Yuğarı däräcäle däwlät zatları Atatörek mavzoleyına çäçäk bäylämnären saldı.

İlbaşı Ärdoğan Anıtkäber maxsus däftären imzaladı.

Ärdoğan yullamasında 15nçe iyül’ tönendä kürsätelgän qarşılıq kürsätügä basım yasadı.

İlbaşı Ärdoğan: "Ğaziz Atatörek, böyek Ciñüneñ 95 yıllığın tağın ber qat ğorurlanıp qotlıybız. Azatlıq suğışıbıznıñ uñışqa ireşüeneñ söyençese bulğan şuşı tarixi ciñüne Malazgirttan bügenge köngä xätle barıp citkän awır köräşneñ bik möhim öleşe bularaq küräbez. 30nçı avgustta qazanılğan ciñüdän alğan köç belän Cömhüriyätebezne tözegän çaqta maqsatıbıznı zamança śivilizaśiya däräcäsenä citkerü bularaq bilgelägän. Törkiyä sez bilgelägän maqsatlar nigezendä yulınnan däwam itä. 15nçe iyül’ tönendä kürsätelgän dastan kebek qarşılıq kürsätü – ilebezneñ iqtisadi häm säyäsi bäysezlegenä qarşı böten höcümnärne yuqqa çığaru mäs’äläsendäge qatğilığın bilgele itte. Sezneñ, ğaziz şähitlärebezneñ häm qaharman ğazıylärebezneñ bezgä amänäte bulğan bu watannı canıbıznı fida itep saqlarğa däwam itäçäkbez. Ruxığız şat bulsın”, - dip äytte.