Ärdoğan-Abbas oçraşuı

Fälästin Däwlät başlığı Mäxmüt Abbas belän İlbaşı qolliyäsendä küreşkän Ärdoğan, İzrailneñ yawlap alu omtılışların beterüe zarurlığına basım yasap: "İke däwlätle çişeleş barı tik Fälästinneñ genä tügel, İzrailneñ dä xäyerenä”, - dip äytte.

İlbaşı Räcäp Tayyip Ärdoğan Törkiyäneñ Äl-Aqsa mäçete kiyerenkelege belän bäyle bularaq reakśiyäsen berençe mizgeldän başlap här forsatta bilgele itüen häm problemanıñ xäl itelüe öçen tırışuın belderde.

Söyläşülärdä Milli küzläw oyışması kiñäşçese Hakan Fidan belän İlbaşı idaräse ğomum särkätip urınbasarı häm süzçese İbrahim Qalın da qatnaştı.

Urtaq matbuğat oçraşuında Fälästin Däwlät başlığı Mäxmüt Abbas ta Törkiyäneñ problemanıñ çişeleşe ölkäsendä kürsätkän anıq häm nıq totışı uñayınnan İlbaşı Ärdoğanğa räxmätlären citkerde.

Mäxmüt Abbas Fälästin xalqınıñ Ğazzädä däwlät tözelüen hiç qabul itmäyäçägen äytte.