İlbaşı Ärdoğan Yordaniyädä

Törkiyä İlbaşı Ärdoğannı Yordaniya patşası 2nçe Abdullah räsmi tantana belän qarşı aldı.

İke il gimnnarı yañğırağan häm Äl Xösäyniyä sarayında uzğan qarşı alu tantanasınnan soñ qara-qarşı häm wäkilleklärara söyläşülär oyıştırıldı.

Söyläşülärdä Yaqın Könçığıştağı täräqqiyätlär häm ike il arasındağı iqtisadi mäs’älälär quzğatıldı.

Qarşı alu tantanasında Törkiyä Tışqı êşlär ministrı Mäwlüt Çavuşoğlu, Ênergetika häm tabiği çığanaqlar ministrı Bärat Albayraq, Transport, diñgezçelek häm êlemtä ministrı Äxmät Arslan belän MİT Milli küzläw oyışması kiñäşçeseHakan Fidan da qatnaştı.

İke yaqlı säwdäneñ üsterelüe häm kapital salularınıñ arttırıluı mömkinlekläre dä söyläşülärdä kön tärtibenä alınaçaq mäs’älälär arasında.

Säfär Yordaniya belän diplomatik mönäsäbätlärneñ 70 yıllığına turı kilüe mönäsäbäte belän xosusıy ähämiyätkä iyä.

Ber könlek säfärdän soñ İlbaşı Ärdoğan düşämbe könne kiçen Törkiyägä qayttı.