“Bernindi yanaw aldında baş iyelmäyäçäk”

Çavuşoğlu, tarixtağı törek däwlätläreneñ, Törkiyä Cömhüriyäteneñ häm törek milläteneñ hiçber yanaw häm şantaj aldında başın iymäwen Germaniyanıñ belüen assızıqlap: "Şuña kürä dä yanawlarnıñ da, şantajlarnıñ da Törkiyädä bärabärlegen tapmayaçağınıñ belenüe zarur”, - dip belderde.

Tışqı êşlär ministrı Çavuşoğlu yasalğan yanawlarnıñ şul uq däwlät cidtilege belän bäyälänelep, cawabınıñ qaytarılaçağın assızıqlap äytep uzdı.

Tışqı êşlär ministrlığı isä Germaniyanıñ Törkiyädän terror gäyebennän qulğa alınğan yäki saq astına alınğan şäxeslärneñ, xökem itüdän azat itelep, irekkä cibärelüe kebek qabul itelmäslek taläplär belderüenä iğtibarnı yünältte.

Ministrlıqtan yasalğan belderüdä ike il arasında soñğı çorda yäşängän ışanıç krizisınıñ Germaniyanıñ ikele standartlarğa tayanğan totış buluı assızıqlanıp: “Germaniya ber yaqtan däwlätebezneñ isänlegen maqsat itep alğan “PKK” häm “FETÖ” terror oyışmaları äğzaläreneñ üz cirlärendä räxät räweştä xäräkät itüenä küz yoma, şul uq waqıtta ilebezdä terrorçılıqta gäyeplänep qulğa yäki saq astına alınğan şäxeslärneñ dä, xökem itelüdän azat itelep, irekkä cibärelüe kebek qabul itelmäslek teläklären belderä”, - dip äytelde.

Alman räsmi organnarınıñ törek xalıq ışanıçlıları häm ministrlarınıñ Germaniyada yäşäwçe törek watandaşları belän oçraşuın totqarlağan bulsa, terror oyışması belän yaqın êlemtädä bulğan alman parlamentariyläreneñ Törkiyäneñ xakimiyäte astındağı xärbi bazalarğa telägän çaqta baruın xaq-xoquq itep kürsätergä tırışuı belderelgän açıqlawda: "Germaniya Tışqı êşlär ministrı Sigmar Gabrielneñ dä süzläre telgä alınğan asılın yuğaltqan ber yaqlı totışnıñ soñğı häm qabul itelmäslek misalı”, - dip äytelde.

Gabriel Törkiyä xökem çığaru organnarına qatışuğa röxsät birelmägäne öçen Törkiyägä qarata säyäxät kisätüen kiskenläşterü, Tamğaxäna berlege yañartuına qarşı çığu, kapital salularnı täşviq itmäw, Awrupa Berlegeneñ Törkiyägä quşılu fondların küzdän kiçerü kebek yanawçan süzlär beldergän ide.