Törkiyä ilbaşınıñ İstanbuldağı çığışı

Şähitlärebezneň amänäte bulğan qaderle qardäşlärem, qaderle qazıylarıbız, şähärneň törle poçmaqlarınnan 15 nçe iyül’ Şähitlär küperenä kilep biredäge programmada qatnaşuçı istanbullılar, 15 nçe iyül’ tüntäreleş kereşüeneň ber yıllığında Törkiyäneň här poçmağınnan biregä kilgän watandaşlarım, ğaziz xalqım , barığızğa  da çın küňeldän qaynar sälamnäremne citkeräm. Monnan näq’ 1 yıl êlek bu säğät’lärdä ilneň küp urınında bulu belän bergä biredä ul waqıttağı iseme belän Bosfor küperendä xıyanät kereşüe başlanğan ide.

Tanklar, çılbırlı texnika belän biregä kilgän tüntäreleşçelär küperne yabıp quyu belän baştaraq aňlaşılmağan xäräkätlänüneň säbäbe häm maqsatı bilgele buldı.

Küperne yabıp quyğan tüntäreleşçelär üzlärençä İstanbulğa, böten Törkiyä häm böten dönyağa “Monnan soň kontrol’ bezneň qulıbızda” dip  äyterga telilär ide.  

Şul uq säğät’lärdä İstanbul häm Änkaranıň törle urınnarında moňa oxşaş basıp alu kereşüläre xäbärläre kilä başladı.  

Xalqıbız bu êşneň ısulına küz salıp tüntäreleş kereşüen “FETÖ” xıyanät törkemeneň oyıştıruın aňlap aldı.   

Törkiyäneň şundıy xıyanät oyışmasınıň aradaşçılığı belän höcümgä, basıp alu kereşüenä duçar buluın kürgän törek xalqı şunduq êşkä kereşte.

Minem häm prem’yer-ministrnıň televideniye êkrannarı aşa çaqıruı belän millionnarça watandaşıbız uramnarğa ,mäydannarğa çıqtı.

İň zur qarşılıq kürsätü häm iň qanlı höcümnär İstanbul häm Änkarada küzätelde.

Qalğan şähärlärdä tüntäreleşçelär êşkä kereşkänçe xalqıbız häm ğaskärlärebez alarğa tiyeşle cawapnı qaytardı.

İstanbulda iň küp qan qoyılğan urın näq’ menä monda 15 nçe iyül’ şähitlär küperendä ide.

Biredä 36 watandaşıbız şähit buldı.

Saraçhanädä 20 gä yaqın şähitebez bar.

Çängälköydä, Atatörek hawa mäydanında, Äsänlärdäge artilleriya kazarması qarşında,”Türk Telekom” binasında häm başqa urınnarda distälärçä keşe şähit buldı.  

Änkarada ğomum ştab binası, parlament binası urnaşqan Qızılay rayonı tiräsendä 40 tan kübräk keşe şähit buldı.

İlbaşı idaräse kölliyäte qarşında da 29 keşe şähit buldı.

Gölbaşı maxsus köçlär räislegen oçqıçlar belän bombalağan xainnar 53 watandaşıbıznı şähit itte.

Qaharman iseme birelgän Qazanda da 9 şähit bar.

Änkarada iminlek mödirlegenä yasalğan höcümdä şähit sanı 10 nan kübräk.

Tüntäreleşçelär tanklar, bombalar , boralaqlar, oçqıçlar belän höcüm itte.

Alar bernindi ikelänüsez bu qorallar belän xalıqqa ut açtı.

Alarnıň qarşısına çıqqan xalıqnıň närsäse bar ide soň?

Qullarında qoralları, bombaları, tankları yuq ide.

Ämma alarnıň tağın da täêsirle qoralları bar ide. Ul qoral yöräklärendäge iman ide.

Şağir’ äytmeşli “İman ul cäwhärder”

Äye, xalqıbız ul tönne  imanı belän dönyanıň iň zamanca qorallarınnan östen buldı. 

Täq’bir äytep tanklar qarşısına çıqqan xalıqnı kem äsir itep ala ala?

Tirä yaqta distälärça keşe ülgändä batırlarça alğa taba barğan xalıqnı kem yuqqa çığara ala?

”Qaytıp kitegez,yuğisä üläsez “dip äytüçelärgä “Bügen ülmasäk qayçan ülerbez” dip äytüçe bu millätne kem buysındıra ala?

Bu küperneň tele bulsa da ul tönne biredäge qaharmanlıqnı aňlata alsa ide.

Çönki bezneň telebez alarnı aňlatıp beterä almas, monıň öçen süzlär citmäs.

Tanılğan şağir’ Mäxmät Akifneň “Çanakkalä şähitlärena bağışlanğan şiğri yulların uqıp kitäm.

15 nçe iyül’ tönendä şähit bulğan barlıq şähitlärebezgä Allahtan yarlıqaw sorıym.

Ul tönne yaralanıp ta başların imägän barlıq watandaşlarğa räxmätläremne citkeräm.

İregen, azanın, bayrağın, watanın, däwläten, kiläçägen saqlap qalğan barlıq watandaşlarımğa çın küňeldän räxmät äytäm.  

Ğaziz qardäşlärem! Bez 15 nçe iyül’ tönendä tüntäreleşçe xainnarnıň höcümnärendä 250 watandaşıbıznı yuğalttıq häm 80 million xalqı bulğan Törkiyäneň kiläçägen qotqardıq.

Ul tönne 2 meň 194 watandaşıbız yaralanıp ğazıy buldı.

Yuğaltularıbız bik zur.

Änilär, ätilär, tuğannar, balalar küz yäşläreneň, alarnıň qayğısın bernärsä belän dä ülçäp bulmıy.

Bu fidakärleklär belän ireşelgän kiläçäkne dä bernärä belän ülçäp bulmıy, ul bik qaderle.

Keşelär cämğiyät’läre belän millätlär arasındağı töp ayırma näq’ menä şunda. Cämğiyät’lär barı tik mizgellek mänfäğät’läre öçen yäşasälär, millätlärneň  isä urtaq ütkännäre, urtaq qimmätläre bar häm alar monıň öçen cannarın da birä.

Törek milläte 15 nçe iyül’dä meňnärçä yıllıq tarixında küp tapqırlar bulğanı kebek Watanın saqlaw öçen cannarın fida qıludan qurıqmawın kürsätte.

Mondıy höcümnär , xıyanätlär bezne  tağın da berläşterä, nığıta, köçle qıla.

15 nçe iyüldäge tüntäreleş xalqıbızğa qarata täwge höcüm tügel , şulay uq soňğısı da bulmayaçaq.

Terror oyışmaların peşka, qurçaq itep qullanuçılarnıň 100 yıllıq qayğıların da bik yaxşı aňlıybız. “FETÖ”neň barı tik “FETÖ” bulmawın, “PKK”nıň barı tik “PKK” bulmawın, “DEAŞ”nıň barı tik “DEAŞ” bulmawın, başqa terror oyışmalarınıň barı tik kürengän yözlärennän genä ğıybarät bulmawın bik yaxşı beläbez.

Ämma şul çınbarlıqnı onıtmasqa kiräk peşkalarnı izmiçä torıp qalğannarın ala almıybız. Şuna kürä dä başta bu xainnarnı yuqqa çığaraçaqbız. Annan soň töp doşmannarbıznı yuq itü öçen adımnar yasayaçaqbız.

Monıň öçen iq’tisadnı üsteräçäkbez., armiyäbezne nığıtaçaqbız, dplomatiyäne köçäytäçäkbez, iň möhime bergälekne, berdämlekne nığıtaçaqbız.

Törkiyäneň soňğı 15 yılda başqarğan êşlärenä küz salsağz , bu tırışlıqlarnı kürersez.

Bezneň ütkänebezdä meňnärçä yıllıq däwlät tradiäŝiyäse bar, 1400 yıllıq ŝivilizaŝiya berekmäse bar.  

Meň yllıq ütkänebezneň ber genä mizgele dä köräşsez uzmadı.

15 nçe iyül’dä şartlağan yanartaw kebek ul tönne yaqtırtqan rux ber köndä genä tumadı.

Qıyu törek xalqın terror oyışmalarınıň höcümnäre  dä, alarnı qullanuçı köçlärneň mäkerle uyınnarı da qurqıta almıy.

Bez bu ruxnı, bu inanu, bu ışanıçnı yuğaltqan könne betärbez.

Allahnıň yärdäme belän ul kön kilmäyäçäk.

Ülemne ülem belän qurqıtıp yulıbıznı däwam itteräçäkbez.

Işanıç belän , quyu häm köçle bulıp tuqtamıyça êşläyäçäkbez.

Ämma qayberäwlär qatği räweştä “kontrolle tüntäreleş” dip xalqıbıznıň bu şanlı köräşen qaraltırğa tırışa.

Bu süzne 2 törkem qullana. Berençese – “FETÖ”çılar häm alarğa yaqlaw kürsätüçe çit il keşeläre. “FETO”çılar bu yulı da härwaqıttağıça inkyar’ itü yulıın saylıy.

İkençese isä – töp oppoziŝiya partiyäse citäkçese.

15 nçe iyül tönendä İstanbul Atatörek hawa mäydanınnan tüntäreleşçelär kontrolendä çığıp Bakırköy bistäsendä ışanıçlı imin ber öydä çäy-kahwä Êçep televizordan bu waqiğalarnı küzätep barğaç härxäldä mondıy xislärga birelgänder.

Xälbuki ul tönne uramnarda, mäydannarda, hawa mäydannarında, küperlärdä tüntäreleşçelär êşkä kereşü ixtimalı bulğan här cirdä köräşüçelär başqa närsälär kürde häm xis itte.

Xäzer isä parlament tikşerü komissiyäseneň xisabın sıltaw itep kürsätep tüntäreleşçelär belän ber ük yuldan alıp barğan säyäsäten saqlarğa, yäşerergä tırışa.

15 nçe iyül’ kontrolle tüntäreleş kereşüe tügel ide. Ämma “Cömhüriyät xalıq” partiyäse citäkçese kontrol’le räweştä ul wazıyfağa kiterelde häm berençe könnän birle üzen bu wazıyfağa kiterüçelärgä xezmät itüen däwam itterä.

 “FETÖ”çılar kebek bu keşe dä üzenä birelgän wazıyfanı başqara.

Ul “FETÖ”çılar belän, “PKK”lılar belän yörsen. Bez ilebez öçen,kiläçägebez öçen xalqıbız belän bergä yulıbıznı däwam itteräçäkbez.

Qardäşlarem,15 nçe iyül’ne onıtmaw häm onıttırmaw – bezneň iň zur cawaplılığıbız.

Ägär 15 nçe iyül’dän sabaq almasaq yaňa 15 nçe iyül’lär qotılğısız bulaçaq.

15 nçe iyül’däge tüntäreleş kereşüen oyıştıruçılarnıň maqsatın , anı başqaruçılarnıň bu köçkä niçek ireşüen bik yaxşı beläbez.

2016 nçı yılnıň 15 nçe iyülennän başlap bügenge köngä qadär nilär buluına küz salıyq.

Tüntäreleş kereşüe bastırılğannan soň ilebezgä bu xıyanätne başqarğan oyışma äğ’zalarına qarşı köräş başlattıq.  

Ayıruça bu oyışmanıň däwlät oyışmalarında eşlägän häm bilgelängän barlıq äğ’zaların wazıyfadan aldıq.

Bügenge köngä qadär Törek Qorallı Köçläre, iminlek oyışması, mäğarif, sälamätlek saqlaw , xökemgä tartu häm universitetlar berençe çiratta bulu belän bergä êştän çığarılğan “FETÖ” äğ’zalarınıň sanı 111 meňgä citte.

38 meň keşeneň tikşerü êşläre däwam itä.  

Tüntäreleş könennän başlap bügenge köngä qadär 134 meňgä yaqın keşe qulğa alındı, alardan 50 meň 400e saq astına alındı.

Qaçaq xälendäge 8 meň 500 gä yaqın oyışma äğ’zası belän bäyle totu, totqarlaw qararı bar.

“FETÖ” belän bäyläneşe buluı  bilgelängän cämğiyät’, waqıf, kurslar, hönärçelär berlege,universitet, media organı kebek 5 meňnän kübräk oyıışma yabıldı.Mal - mölkätläre däwlät baylığına , yäğni millätkä tapşırıldı.  

Barı tik “FETÖ”ğına tügel, anıň belän ber ük yulda yörüçe “PKK” terror oyışması öçen dä moňa oxşaş çaralar kürelde.

“FETÖ” mäxkämälärendä qararlar qabul itelä başladı.  

Bu ilgä xıyanät itkän ber genä xain da cäzasız qalmayaçaq.

Şähitlärebezneň xätiräse bezneň yöräklärebezdä mäňge yäşäyäçäk, ul xainnar isä gel näfrät belän iskä alınaçaq.

15 nçe iyül’ tüntäreleşendä qatnaşuçılarnıň berseneň dä yözendä xäzerge waqıtqa qadär poşınu, qayğıru kürmässez. Dimäk bolar aňlı räweştä ilebezgä xäncär belän qadarğa telädelär. 

Ul xainnarnıň törmälärdä çeregändä uylanırğa küp waqıtları bulaçaq.

Bez 15 nçe iyül’dän sabaq alıp yulıbıznı däwam itteräçäkbez.

Allah yärdämennän taşlamasın.

Allah bezne xıyanätlärdän , doşmannarnıň höcümnärennän , barlıq afätlärdän saqlasın.  

Mine mondıy millät äğ’zası itep yaraltqanı öçen Allahıma şökerlär bulsın.

Bügen 15 nçe iyül şähitlären xätirälären yäşätü öçen tözelgän 2 häykäldän berse bulğan Şähitlär häykäleneň açılışın yasayaçaqbız.

Açılıştan soň oçqıçlar belän bombalanğan säğät’tä Törkiyä Böyek Millät Mäclese qarşındağı cıyında qatnaşu öçen Änkarağa kitäbez.

Bäştäpä millät mäçetendä irtänge namaznı uqığannan soň ilbaşı idaräse kölliyäte yanında tözelgän Şähitlär yädkär’legeneň açılışın yasayaçaqbız.

Bügen tönlä demokratiya cıyınnarı başlana.

Alar irtägä töngä qadär däwam itäçäk.  

Tağın ber tapqır şähitlärebezgä Allahtan yarlıqaw sorıym, yaqınnarınıň, xalqımnıň  qayğısın urtaqlaşam.

Ğazıylarıbızğa şifalar telim.

İlen, däwläten, demokratiyäsen, kiläçägen saqlap qalğan barlıq watandaşlarımğa räxmätläremne citkeräm.