Ärdoğan: “Törkiyä üz ayaqları östendä tora alaçaq”

İlbaşı Räcäp Tayyip Ärdoğan, Awrupa Berlegeneñ Törkiyäneñ waqıtın urlawın belderep: "Ägär Awrupa Berlege äğzalekne qabul itmäyäçägen äytsä, Törkiyä tınıçlanıp qalır”, - dip äytte.

Ärdoğan, Törkiyäneñ üz ayaqları östendä tora alaçağın assızıqlap: "Bez süzlärebezgä tuğrı qaldıq. Ägär Awrupa Berlege açıq itep Törkiyäne qabul itmäyäçägen äytä ikän, bu bezneñ öçen tınıçlandıruçı bulaçaqtır. B häm C plannarıbıznı başlatırbız", - dip belderde.

Däwlät başlığınıñ berençe çorında Törkiyäneñ Awrupa Berlege liderlar yuğarı däräcäle oçraşularında tawışsız inqilap başqarğan il bularaq tanıtıluın añlatuçı Ärdoğan: "Xäzer isä şul uq Awrupa Berlege barı tik bezne liderlar sammitına çaqırmaw belän genä qalmıy, waqıtıbıznı da äräm itä. Xäzer wazğiyät şuşı”, - dip äytte.

İlbaşı Ärdoğan Törkiyä watandaşlarınıñ kübeseneñ “Awrupa Berlegenä kerergä telämäwen”, Awrupa Berlegeneñ Törkiyägä qarata totışınıñ samimiyätsez buluın uylawın assızıqlap äytep uzdı.

Tulısınça 14nçe iyül’dä “BBC World News”ta tapşırılaçaq äñgämädä Ärdoğan: "Böten bolarğa qaramastan bez tağın qısqa ber waqıt buyı Awrupa Berlege belän êçkersez bulırğa däwam itäçäkbez. Monıñ bezgä närsä alıp kiteräçägen küräçäkbez”, - dip äytte.