Terrorğa qarşı köräş xisabı

Törkiyä êçke êşlär ministrlığı iminlek köçläreneň uzğan atnadağı terror operaŝiyäläre xaqında mäğ’lümat birde.

 3-10 nçı iyül’ könnärendä älege operaŝiyälärdä 47 terrorçı täêsirsez xälgä kiterelde, 7 terrorçı totqarlandı häm 15 terrorçı täslim buldı.

Terrorğa qarşı köräş operaŝiyäläre qısasında terror oyışmasına yärdäm itü däğ’wası belän 555 keşe qulğa alındı.  

”DEAŞ” terror oyışması belän bäyläneşe buluı uylanılğan 96 şikle keşene qulğa alğan iminlek köçläre “Fätullahçı terror oyışması /parallel’ däwlät qorılışı” belän bäyläneşle 520, sul oyışmalar belän bäyläneşle 11 keşene totqarladı.

Şulay uq terror oyışması propagandası alıp baruçı, xalıqnı näfrätkä, doşmanlıqqa öndäwçe, däwlät êşleklelären mısqıllawçı , däwlätneň bötenlege häm cämğiyät’neň iminlegenä qurqınıç tudıruçı êçtälektäge 1784 keşeneň soŝial’ mediası belän bäyle êşçänleklärdä 80 keşe qulğa alındı.