İndoneziya ilbaşı Törkiyädä

İndoneziyä ilbaşı Joko Widodo Törkiyä ilbaşı Räcäp Tayyip Ärdoğannıň çaqıruı buyınça räsmi säfär belän Änkarağa kilde.

Qunaqnı Änkara Êsenboğa hawa mäydanında prem’yer-ministr urınbasarı Nurettin Canikli häm başqa räsmi zatlar qarşı aldı.

Soňraq ilbaşı Räcäp Tayyip Ärdoğan qunaqnı tantanalı räweştä qarşı aldı.   

İke lider üzara häm wäkilleklär arası söyläşülär ütkärde.

Söyläşülärdä ike yaqlı mönäsäbätlär häm xalıqara mäs’älälär qaraldı.

Törkiyä belän İndoneziya arasında sälamätlek saqlaw häm iq’tisad tarmaqların üz êçenä aluçı kileşü imzalandı.

İke lider soňraq urtaq matbuğat oçraşuı ütkärde.

Törkiyä ilbaşı Räcäp Tayyip Ärdoğan 2015 nçe yılnıň 30 nçı iyül’ – 1 nçe avgust könnärendä İndoneziyağa säfär yasağan ide.