Yıldırım: “Tabiğät - Allahnıñ äsäre häm amänäteder”

Yıldırım “5nçe iyün’ Xalıqara moxitnı saqlaw köne” mönäsäbäte belän yasağan yullamasında Berläşkän Millätlär Oyışmasınıñ 1972nçe yılda Stokgolm’ sammitında qabul itkän qarar belän 5nçe iyün’ne “Xalıqara moxitnı saqlaw köne” bularaq iğlan itüen xäterlätte.

Moxitnı saqlaw problemalarına cämäğätçelekneñ iğ’tibarın cälep itü, xalıq qatnaşuın häm säyäsi iğtibarnı arttıru öçen dönya külämendä törle çaralarnıñ ütkärelüen assızıqlawçı Yıldırım êkologiya problemalarınıñ qalqınu, üseş, ênergetika häm başqa şaqtıy ölkädäge säyäsätlärenä yünäleş birüen belderde.

Yıldırım böten can iyäläreneñ urtaq yäşäw mäydanı bulğan moxitnıñ däwlät citäkçeläre belän bergä härkemneñ maksimal’ iğ’tibarı häm ğayrätläre belän saqlaw astına alınuı zarurlığına basım yasadı.

Böten qalqınu-üseş säyäsätlärendä moxitnı saqlawnı nigez itep alğan Törkiyäneñ êkologiya problemalarınıñ çişeleşenä qağılışlı cawaplılığın taläpçän räweştä ütäwen assızıqlawçı Prem'yer-ministr: "Bez böten tabiğätne Allahnıñ äsäre häm amänäte bularaq kürgän säyäsi añlayışnıñ wäkilläre. Xökümät programmabızda da äytelgäne kebek, böten yaraltılğannarnıñ xoquqın saqlaw – xökümätebezneñ berençe östenlekle wazıyfası. Qalqınu-üseş êşçänlegebezne äylänä-tiräne saqlawnı nigez itep alğan totışqa iğ’tibar itep alıp barğan bulsaq, şul uq waqıtta utırtqan dürt milliard ağaç belän Cömhüriyät tarixıbıznıñ iñ zur ağaç utırtu adımın yasıybız”, - dip äytte.

Yıldırım: "İñ êlek keşe, iñ êlek tormış” diyep êşlären başqaruçı xökümätläreneñ ilneñ tabiği tuqımasın saqlaw häm şähärlärne êkologik qılu öçen tırışuına iğ’tibarnı yünältep: "Xalıqara moxitnı saqlaw köne mönäsäbäte belän däwlät citäkçelären, sänäğätçelärebezne häm investorlarıbıznı moxitnı pıçratuğa qarşı maksimal’ iğ’tibar kürsätergä çaqıram, keşene häm tabiğätne xörmät itüçe härkemne söyü häm ixtiran belän sälamlim,” – dip äytte.