Ğaskäri şähit buldı

Ağrı belän Van arasındağı Tändüräk tawı kiçüendä “PKK” separatist terror oyışması äğzase terrorçılar belän iminlek köçläre arasında kilep çıqqan bäreleşlärdä 3 ğaskäri şähit buldı.

Çärşämbe könne bertörkem terrorçı Tändüräk tawı kiçüendä tuqtatqan qayber maşinalarnı yandırğannan soñ töbäktä iminlek köçläre operaśiya ütkärde.

Operaśiya waqıtında bertörkem terrorçı belän kilep çıqqan bäreleşlärdä, berençe mäğlümatlärgä kürä, 3 ğaskäri häm 1 saqçı şähit buldı, 4 ğaskäri dä yaralandı.

Bäreleşlär waqıtında 9 terrorçı da täêsirsez xälgä kiterelde.

Hakkarineñ Şämdinli ilçäsendä alıp barılğan operaśiyädä isä ber ğaskäri şähit buldı.

Operaśiyä näticäsendä 1 terrorçı da täêsirsez xälgä kiterelde.

Şırnak qırlarında “PKK” separatist terror oyışmasına qarşı operaśiya waqıtında 1 maxsus xäräkät poliśiya xezmätkäre şähit buldı.

Şırnaknıñ Bäytüşşäbap ilçäsendäge Kato tawı töbägendä ütkärelgän operaśiyädä 2 poliśiya xezmätkäre dä yaralandı.

Yaralanğan poliśiya xezmätkärläre boralaq belän Şırnak däwlät xastaxanäsenä salındı.

Tuncäli rayon üzägenä bäyle Çiçäkli awılı qırlarında isä operaśiyä ütkärüçe iminlek köçläre belän “PKK” separatist terror oyışması arasında kilep çıqqan bäreleşlärdä dä 3 iminlek wazıyfalısı ciñelçä yaralandı.

Yaralanğan xärbilär Tuncäli däwlät xastaxanäsenä salındı.

Şul uq waqıtta Törek qorallı köçläreneñ Ğiraqnıñ (Ğıyraqnıñ) tön’yağındağı Mätina töbägendä oyıştırğan hawa xäräkätendä dä terror ğamälenä äzerlänüe bilgelängän qorallı 3 separatist terror oyışması äğzase täêsirsez xälgä kiterelde.

Xäräkät waqıtında terrorçılar qullanğan qoral saqlağıçı da yuqqa çığarıldı.