“Angliya xalqınıň qayğısın urtaqlaşam”

 Törkiyä ilbaşı Räcäp Tayyip Ärdoğan Angliyäneň Mançester qalasında kiçä tönlä barlıqqa kilgän häm küp sanda keşeneň ğomere özelgän terror höcümen ğayepläde.

İlbaşı Angliya xalqınıň qayğısın urtaqlaştı.

Törkiyä tışqı êşlär ministrlığı da mäs’älä belän bäyle açıqlawında terrorğa qarşı köräşneň ähämiyätenä basım yasaldı.

Tışqı êşlär ministrı Mävlüt Çavuşoğlu Angliya xökümäte häm xalqınıň  qayğısın urtaqlaştı.

İlbaşı idaräse süzçese İbrahim Qalın da Mançesterdağı terror höcümen kisken räweştä ğayepläp ,Törkiyä häm Angliyäneň terrorçılıqqa qarşı urtaq häm qatği köräşeneň däwam itäçägen assızıqladı.

”Cömhüriyät xalıq” partiyäse ğomum başlığı Kämal Kılıçdaroğlu da terrornıň tağın ber tapqır ğayepsez keşelärne maqsat itep aluın belderep, Mançesterdağı höcümne läğ’nätläde.