Yıldırım - Medvedev söyläşüe kötelä

Törkiyä prem’yer-ministrı Binali Yıldırım Rusiyä prem’yerı Dmitriy Medvedev belän küreşep söyläşäçäk.

Rusiyä xökümäteneñ matbuğat xezmätennän yasalğan açıqlawda Medvedevnıñ Qara diñgez iqtisadi xezmättäşlek oyışması cıyılışında qatnaşır öçen 22nçe mayda kiläçäk İstanbulda törek xezmättäşe Binali Yıldırım belän söyläşü ütkäräçäge belderelde.

“Törek prem’yer-ministrı belän söyläşü planlandı,” – dip äytelgän açıqlawda Rusiyä prem’yer-ministr urınbasarı Arkadiy Dvorkoviç häm Ênergetika ministrı Aleksandr Novaknıñ da İstanbul säfärendä Medvedev yanında bulacağı citkerelde.

Yıldırım häm Medvedev soñğı itep 27nçe aprel’ könne telefonnan söyläşkän ide.