"Rusiyädän boday importı başlandı"
Bu turıda Törkiyäneñ iqtisad ministrı belderde
Törkiyäneñ iqtisad ministrı Nihat Zäybäkçi Rusiyädän boday importınıñ düşämbe könne başlanuın äytte.
Zäybäkçi Rusiyä belän säwdä ölkäsendäge mönäsäbätlär aldındağı kirtälärneñ qısqa waqıtta bötenläy betereläçägen dä belderde.
Qara diñgez iqtisadi xezmättäşlek êş şurası forumınıñ yomğaqlaw utırışında çığış yasağan törek ministrı Rusiyä belän xezmätlär häm investiśiyalärne üz êçenä aluçı irekle säwdä kileşüe öçen dä söyläşülärneñ däwam itüen açıqlap: “Kirtälärneñ beterelüe belän bäyle möhim barış êçendä bez, bolar bik qısqa waqıtta bötenläy betäçäk. İkençe yaqtan Rusiyä belän dä xezmätlär häm investiśiyalärne üz êçenä aluçı irekle säwdä kileşüe söyläşüläre dä tizlek belän däwam itä,” – dide.
Zäybäkçi cıyılıştan soñ Rusiyädän tuqtağan boday importınıñ qayçan başlanaçağı sorawına: “Rusiyädän boday importı düşämbe könne başlandı,” – dip cawap birgän.
Rusiyädän boday importınıñ tuqtawına säbäpçe bulğan kileşmäwçänlek Törkiyä ilbaşı Räcäp Tayyip Ärdoğan belän Rusiyä Federaśiyase däwlät başlığı Vladimir Putin arasında 3nçe may könne Soçida uzğan söyläşüdä çişelgän ide.
