Ärdoğan Qıtayğa bara

Törkiyä ilbaşı Räcäp Tayyip Ärdoğan bügen comğa könne Qıtayğa bara.

İlbaşı başqala Pekinda oyıştırılaçaq Xalıqara xezmättäşlek öçen ber poyas häm yul forumında qatnaşaçaq.

Ärdoğan 14nçe may könne Xalıqara xezmättäşlek öçen ber poyas häm yul forumınıñ yuğarı däracäle dialog cıyılışında, 15nçe mayda isä Tügäräk östäl liderlar cıyılışında çığış yasayaçaq, forumda qatnaşaçaq däwlät häö xökümät başlıqları belän söyläşülär ütkäräçäk.

Forumda Berläşkän Millätlär Oyışması ğomüm särqätibe, Dönya bankı häm Xalıqara valyuta fondı başlıqları belän ber rättän 28 ilneñ däwlät häm xökümät başlıqları belän 250dän artıq ministrnıñ qatnaşuı kötelä.

Ärdoğan Qıtaydağı söyläşülärennän soñ 15-17nçe may könnärendä dä Amerika Quşma Ştatlarına baraçaq.

Törkiyä ilbaşı Vaşingtonda däwlät başlığı Donal’d Tramp belän 16nçı mayda üzara küreşep söyläşäçäk häm wäkilleklärara söyläşülär uzdıraçaq, säfär qısalarında ictimaği häm töşençä oyışmaları wäkilläre belän êşmäkärlärne dä qabul itäçäk.