Ğadättän tış xäl 3 ayğa ozınaytılaçaq

Törkiyä prem’yer-ministr urınbasarı häm xökümät süzçese Numan Kurtulmuş ministrlar şurasınıň ildä ğadättän tış xälne ozınaytu qararı qabul itüen belderde.

Kurtulmuş ğadättan tış xälne ağmdağı yılnıň 19 nçı aprelennän başlap 3 ayğa ozınaytılun häm mäs’äläneň Törkiyä Böyek Millät Mäclesenä tapşırılaçağın citkerde.

16 nçı aprel’dä ütkärelgän Töp Qanun üzgäreşe referendumına da tuqtalğan Numan Kurtulmuş referendumda qatnaşu däräcäseneň şaqtıy yuğarı buluına basım yasap ,watandaşlarnıň demokratiyäne yaqlawın assızıqladı.

Xökümät süzçese yuğarı saylaw şurasınıň referendumnıň räsmi näticälären iğlan itäçägen ,näticälär “Räsmi gazet”ta basılıp çıqqannan soň 18 maddäneň ğamälgä keräçägen belderde.

Numan Kurtulmuş referendum näticäläre “Räsmi gazet”ta dönya kürgännän soň ilbaşı Räcäp Tayyip Ärdoğannıň “Ğadälät häm qalqınu” partiyäsenä äğza buluı öçen bernindi kirtä qalmayaçağın da äytte.