Ärdoğan - Putin söyläşüe

Törkiyä ilbaşı Räcäp Tayyip Ärdoğan Rusiyä Federaśiyase däwlät başlığı Vladimir Putin belän telefonda söyläşte.

İlbaşı idaräse çığanaqlarınnan alınğan mäğlümatqa kürä söyläşüdä Süriyädäge soñğı täraqqıyätlär belän ber rättän xalıqara mäs’älälär häm ike yaqlı mönäsäbätlär qaraldı.

Söyläşüdä ike lider Astana mexanizmınıñ häm Jeneva söyläşüläreneñ däwamı cähatennän Törkiyä häm Rusiyäneñ urtaq tırışlıq quyuınıñ ähämiyätenä iğtibarnı cälep itte.

Utnı tuqtatunıñ bar Süriyägä cäyelüe öçen urtaq êşçänleklärneñ däwam itterelüeneñ ähämiyäte quzğatılğan söyläşüdä İdlibtä tınıç xalıqnı maqsat itep ağan ximik höcüm dä qaraldı.

Törkiyä ilbaşı Ärdoğan ximik qoral qullanunıñ keşelekkä qarşı başqarılğan zur cinayät buluın assızıqladı.

İke lider älege höcümneñ bäysez häm legallege tanılğan oyışma bulğan Ximik qorallarnıñ tıyıluı oyışması tarafınnan tikşerelüen xuplawların belderde.

Söyläşüdä ike il arasındağı mönäsäbätlärne cayğa salu tırışlıqlarınıñ tizlätelüe zarurlığı da quzğatıldı.

İqtisad häm säwdä ölkäsendäge mönäsäbätlärneñ üsterelüe aldındağı barlıq kirtälär häm çiklärneñ beterelüeneñ ähämiyätenä işarät itkän liderlar aldağı barışta yaqın êlemtädä bulu mäs’äläsendä dä kileşte.