3-10 nçı aprel’ könnärendä Törkiyä külämendä alıp barılğan terrorğa qarşı köräş operäŝiyälärendä “PKK” separatist terror oyışmasınıň 43 äğ’zası täêsirsez xälgä kiterelde.

”PKK” ğa yärdäm itü däğwası belän 570 keşe,”DEAŞ” terror oyışması belän bäyläneşe bulu däğ’wası belän 77 keşe, “Fätullahçı terror oyışması/parallel’ däwlät qorılışı”na qarşı köräş qısasında 1963, sulçı terror oyışmalarına qarşı köräş qısasında 76 keşe qulğa alındı.

Batman, Bitlis, Ärzurum, Tuncäli, Diyarbakır, Mardin, Şırnak, Siirt, Hakkari, Van, Iğdır häm Bingöldä terror oyışmalarınıň 61 sıyınu urını belän 52 quldan yasalğan tozaqlanğan şartlatqıç häm mina yuqqa çığarıldı.  

Operaŝiyälärdä tonnalarça narkotik matdä,ilgä qanunsız yullar belän kertelgän yöz meňnärçä paket tämäke, tonnalarça litr sıyıq yağulıq qulğa töşerelde, 893 keşe qulğa alındı.

Qanunsız küçenügä qarşı köräş qısasında 368 e diňgezlärdä bulu belän bergä 724 keşe totqarlandı, bu keşelärneň qanunsız säyäxätlären oyıştıru däğ’wası belän 154 keşe qulğa alındı.