Yıldırım: “Kärkük statusı üzgärtelä alınmayaçaq”

Törkiyä Prem'er-ministrı Binali Yıldırım 16nçı aprel’dä ütkäreläçäk ilbaşı xökümät sistemasın da üz êçenä aluçı konstituśion üzgäreşlär referendumında uñay tawış çıqqan oçraqta barışnıñ niçek baraçağın añlattı.

Yıldırım, konstituśion üzgäreşlär referendumı qabul itelgän oçraqta waqıtınnan êlek saylawnıñ bulmayaçağına basım yasadı.

Prem'yer-ministr Binali Yıldırım “TRT” êkrannarında Ärhan Çälikneñ sorawlarına cawap birde.

16nçı aprel’dä ütkäreläçäk konstituśion üzgäreşlär referendumın telgä aluçı Yıldırım üzgäreşlärneñ êçtälegen grafikalar belän tağın ber tapqır añlattı.

Törkiyä belän Awrupa Berlege arasındağı mönäsäbätlärgä dä tuqtalıp uzuçı Yıldırım referendumnan soñ Awrupa Berlege belän utırıp söyläşäçäklären äytte.

Yıldırım: “Awrupa Berlege belän mönäsäbätlärebezne söyläşüebez zarur. Awrupa Berlegeneñ üz vizionın küzdän kiçerüe kiräk. Bu çaqlı yäşängännän soñ (Törkiyäne yamanlaw kampaniyası, törek säyäsätçeläreneñ Awrupa illärendä yäşäwçe törek watandaşları belän rasaçı räweştä totqarlanuı, Awrupanıñ terrorçılarğa qoçaq açuı, referendumda tiskäre tawış kampaniyasın açıq räweştä xuplawı kebek waqiğalardan soñ) bernärsä dä yäşänmägän kebek xäräkät itä almıybız”, - dip belderde.

“Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüennän soñ yaña tüntäreleş raslawları belän bäyle soraw da Premyer-ministrğa birelde.

Mediada çıqqan xäbärlärneñ maqsatlı buluına basım yasawçı Yıldırım: "Ğaybät satalar, millätebez tınıç bulsın, bez näwbättä, saqta torabız”, - dip äytte.

Kärküktä yäşängän bayraq krizisın da quzğatuçı Yıldırım Ğiraqnıñ Kärkük qalasında räsmi oyışmalarğa Ğiraq körd regional’ citäkçelege bayrağınıñ êlenüeneñ qabul itelmäslek buluın häm “buldı bette”lär belän, fakt aldına quyular belän Kärkük statusınıñ üzgärtelä alınmayaçağın assızıqlap äytep uzdı.